Non-Award
Ko te manu e kai ana i te miro, nona te ngahere. Ko te manu e kai ana i te matauranga, nona te ao. Kei runga noa atu te ako ma te reo Maori. He take nui hoki te ora tonu o te reo Maori. No reira, me matua whiwhi raukura kaiako te ao Maori hei arahi i te oranga tonutanga o te reo ki nga topito katoa o te ao. Koianei ta nga tohu whakangungu kaiako Te Ara Poutama Toitu Te Reo:
Ka whakawhanake i o ratou pukenga whakaako ma te huarahi o te reo Maori, me te wananga i nga kaupapa mai i te tirohanga Maori me te matauranga Maori. Ka tuhura hoki i nga aria me nga putoi ako o te matauranga e hangai ana ki te ao o te kaiako whakaako ma te reo Maori. Ka riro i nga raukura o Toitu Te Reo he tohu pouako. Ko te hunga ka whai i nga tohu ngatahi-rua ka arotahi ki nga kaupapa motuhake kua whakaritea.